Барилга МН

Жишиг гэр хороололтой болох “Дарь эх” төслийн тухай бид өмнө мэдээлсэн. Хариуцах эзэнгүй шахам болсон уг төс­лийн талаар холбогдох бүхий л мэргэжилт­нүүдтэй холбогдсон ч төдийлөн үр дүнд хүрсэнгүй. Төслийн хэрэгжилтийн явцад Баянзүрх дүүргийн иргэд сэтгэл дундуур байсан. Тиймээс ч тэд одоогоос бараг хоёр жилийн өмнө “бяцхан” жагсаал хийжээ. Тэд Азийн хөгжлийн банкинд очиж нөхцөл байдлыг хэлсэн байна. Азийн хөгжлийн банкнаас тэр даруйд нь хотын захиргаанд хандан бичиг хүргүүлжээ. Үүний хариуд ажлын төлөвлөгөө бүхий жаг­саалтыг илгээжээ. Уг жаг­саал­тад усны хоолойг солих ажлыг тусгажээ. Энэ ажил нь бараг сар гаран үргэлжлэх тухай ч дурьдсан байв. Мөн цахил­гааны сүлжээ, шугамыг солих тухай ч дурьджээ.

 

Цахилгааны талаар Баянзүрх дүүргийн төсөл хэрэгжсэн хорооны оршин суугчдаас тод­руулахад ам сайтай байсан. Ганц гэм нь цэвэр болон бохир усны шугамын асуудлыг орхиг­дуул­сан байна. Энэ тухай оршин суугчид бүгд л ам нэгтэй батлаж байв. Холбогдох хүмүүс харин энэ талаар арга хэмжээ авалгүй орхижээ. Хэдийгээр уг төсөл хаагдсан ч үр дүнгүй ажлынх нь талаар Захирагчийн ажлын албанаас тодрууллаа. Дээрх төслийг Хот байгуулалтын албаны барилга захиалагчийн хэлтсийн хяналтын инженер С.Алтантуяа хариуцаж ажил­лажээ.

 

 

-Төсөл хэрэгжээд засмал зам, гэрэлтүүлэг зэргийг хийсэн. Харин цэвэр болон бохирын шугамыг холбоогүй. Айлууд нь өөрдсөө холбогдоогүй. Ус сув­гийн­хан хэлэхдээ эдгээр айлуудын ядаж 50 хувь нь хол­богдвол бид усаа тавина гэсэн. Үүний дагуу бид оршин суугчдын холбоонд хандаж холбогдох эсэхийг асуусан. Гэтэл ямар ч хүн холбогдохгүй гэж хариу өгсөн. Одоо тухайн нутаг дэвсгэр дээр амины орон сууц барьж байгаа айлууд холбогдоё гэвэл усаа тавина. Тэр хүртэл шугам хөлдөх магадлалтай байгаа учраас ус тавих боломжгүй гэдэг асуудлыг бидэнд тавьж байгаа.

 

 

-Энэ бол зээлийн хөрөнгөөр хийгдсэн ажил юм. Тодорхой хэмжээний мөнгийг Ус сувгийн удирдах газар төлөх ёстой. Манайх Засаг даргын Тамгын газар, Сангийн яамтай гэрээ хийгээд ажлаа хийчихсэн. Ус сувгийн удирдах газар болон манай байгууллагын хооронд үүссэн өрийг хэн эцэслэн шийд­вэр­лэж төлөх ёстой нь тодорхойгүй байгаа. Ус сувгийн удирдах газраас зээл төлөхөд хүндрэлтэй байна, ашиглалтыг бүрэн хариуцах боломжтой гэж байгаа.

 

 

-Болно. Дээрх жагсаалтад дурьдсан ажлууд бүгд 2007 онд хийгдэх ёстой байсан. Эдгээр ажлаа хийгээд тайлангаа гаргаж Азийн хөгжлийн банктай тооцоо дуусчихсан. Төслийн удирдах алба түр байгууллага. Төсөл хэрэгжээд дууссан учраас Засаг даргын Тамгын газар зээлдэгч гэдэг үүднээсээ үйл ажил­лагаагаа хариуцаад явах ёстой. Үүнтэй холбоотойгоор өнгөрсөн жил нийслэлийн Засаг даргын захирамж ч гарсан. Ямар бай­гууллагууд юуг хариуцах ёстойг заасан байгаа. Тухайн шугам сүлжээг тэр нутаг дэвс­гэрт амь­дарч байгаа айлуудад л тавьж өгсөн. Тэгэхээр тэр хэсэгт амь­дарч байгаа иргэд өөрсдөө шугам­тай­гаа холбогдох болом­жоо бүрдүүлбэл ус тавихад бэлэн байгаа.

 

 

-Нэг тэрбум гурван зуун сая төгрөгийн ажил хийгдсэн. Цэвэр бохир усны шугамыг “Мон Инж Бар”, “ЧММ”, “Наран тойром” зэрэг компаниуд хийсэн. Замын ажлыг “Монгол жанжин зам” компани гүйцэтгэсэн. Бид гүйцэт­гэгч байгууллагыг усаа тавьтал хүлээж бай гээд барьцааны мөнгийг нь өнөөдрийг хүртэл өгөхгүй байна. Гүйцэтгэгч очоод тагаа тавиад хогоо цэвэрлэдэг. Гэтэл муу усны нүхний таг нь алга болж байна.