"Барилга байгууламжийн геотехникийн асуудлууд" сэдэвт эрдэм шинжилгээний онол-практикийн бага хурал ШУТИС-д өчигдөр боллоо. Хуралд Монгол-Оросын хамтарсан эрдэмтэд болон барилгын салбарын удирдлага инженерүүд оролцов.

 

Энэ үеэр Монгол орны геотехникийн нөхцлийн судалгааны ажлын үр дүн, хүйтэн сэрүүн уур амьсгалын нөхцөлд барилга байгууламжийн бетоны ажлын технологи, хүйтний тэсвэрлэлт, инженер-хайгуулын ажлын хөгжлийн асуудлаар Монголын барилгын инженерүүдийн холбоо, Монголын инженер-геологичдын холбооны гишүүн эрдэмтэн, мэргэжилтнүүд илтгэл тавьжээ.

 

Монгол орны хот байгуулалтын суурь судалгааны үндэс болсон геотехникийн нөхцлийн судалгааны үр дүн, олон жилийн цэвдэг болон овойж хөлддөг ул хөрсөнд барилга байгууламжийн төсөл зохиох онол практикийн асуудлууд, Монгол орны хүйтэн сэрүүн уур , амьсгалын нөхцөл дэх тэг градусын хэлбэлзэл, давтамжийн техник, технологийн хэрэглээ, усжуулалтын барилга байгууламжийн онцлог, ул хөрсний шинж чанарын судалгааны үр дүн зэрэг барилга байгууламжийн найдвартай ашиглалтад нөлөөлөх хүчин зүйлүүдийн судалгааны үр дүнгийн талаар энэ үер танилцуулав. ОХУ-ын Москва хотын Барилгын инженерийн их сургуулийн Инженерийн цэвдэг судлалын лабораторийн эрхлэгч доктор, профессор Р.Я.Кроник, Буриад улсын Барилгын экспертизийн газрын дарга, доктор Б.В.Лыкщитов нар хуралд оролцсон аж.