Японы архитектор Кацүтоши Сасаки өөрийн гэр бүлдээ зориулан нэгэн өвөрмөц загвар бүхий байшин барьжээ. Тэрбээр бараан өнгийн харандаан мод бүхий гадаргууг гэгээлэг, чөлөөт интерьертэй хослуулах шийдлийг санаачилсан байна.

   102 ам метр бүхий Т-хэлбэрийн байшингаа архитектор Сасаки “T Noie” гэж нэрлэжээ. Түүний хоёр ч үл хөдлөх хөрөнгө Японы Айчи мужийн Тоёотод байдаг аж. Нүүрэн талын хэсгийг зориудаар бараан өнгийн модон банзаар урлах шийдлийг гаргаж, гадна талаасаа өндөр, нарийхан харагдах энэ барилга маш цөөхөн цонхтойгоороо онцлог. Зөвхөн ханын дээд хэсэгт ганц том цонх байрлуулсан ба нэг талд нь гүйдэг шилэн хаалга хийсэн байгааг зургаас харж болох нь. Хэдий бараан өнгийн фасадтай ч дотор талаа шаргал өнгийн фанеран хавтангаар хүрээлж хийсэн нь дотор орчныг илүү гэрэлтэй гэгээлэг харагдуулж байгаа аж.  



   Сасаки гэр бүлийнхээ дөрвөн гишүүний хамт эл байшиндаа амьдардаг. Заримдаа түүний гэрт ажилтнууд нь зочлон ирж, албан тасалгаа болгон ашиглах тохиолдол ч цөөнгүй гэнэ. "Би гэрийнхээ дотоод засал, загвар болон гадна хэлбэрийг өөрөө зохион бүтээсэн. Ерөнхийдөө Япон байшингийн стандарт найман метр өндөртэй байхаар заагдсан” гэж Сасаки нэмж тайлбарлав.



   Байшингийн гэрэлтүүлгийн тухайд цонхоор дамжин байшин руу нэвт тусдаг бөгөөд цонхонд мушгирсан шатаар дамжин хүрэх аж. Сасакигийн тодорхойлсноор, цонхыг цөөн тоогоор төлөвлөсөн нь тухайн айлын нууцлалыг хадгалахын зэрэгцээ гэрлээс гэрлийг бий болгох зорилготой гэсэн юм.

   Өрөөний урт нь 1.55 метр бөгөөд том талбайг дотор нь хуваарилах шинэлэг шийдэл гэж зохион бүтээгч хэллээ. Тэрээр "Баримал нь архитектурын нэг хэсэг, албан тасалгааны хооронд тав тухтай байдлыг бий болгодог. Аливааг уусгах, эсвэл сарниулах цоо шинэ орчин зохицлыг бий болгохыг би хүссэн” гэв.



   Дөрвөн унтлагын болон ариун цэврийн өрөөг дээд давхарт, гал тогоо, хоолны өрөө, номын сан, цэцэрлэгийг хамгийн доод давхарт байрлуулах шийдлийг зохиожээ.

   Сасаки 2008 онд өөрийн архитектурын компаниа байгуулсан байна. Түүний зохион бүтээсэн бусад орон сууцны төслүүд нь гурван метрийн өргөн талбайтайн дээр ер бусын нарийн төлөвлөлттэй байшин, зочны өрөөнд өлгөөтэй модон зүсмэлүүд байрлуулсан зургаан өнцөгт байшингууд байдаг ажээ.





Бэлтгэсэн: Б.Бямбасүрэн