Барилга МН

Барилга угсралтын ажлын технологи

Барилгыг инженерийн бэлтгэлээр хангах

Барилгыг инженерийн бэлтгэлд зохион байгуулалт, техникийн ба төлөвлөгөө санхүүгийн холбогдох баримтууд багтахаас гадна барилга угсралт бусад төрлийн ажилд оролцох байгууллагуудаас уул барилгыг тогтоосон хугацаанд эдийн засгийн өндөр үзүүлэлтээр хангах зорилгоор үндсэн барилгыг эхлэх хүртэл гүйцэтгэх ажлуудыг тодорхойлсон нэгдсэн арга хэмжээ боловсруулж хэрэгжүүлнэ. Барилгын үйлдвэрлэлийг инженерийн бэлтгэлээр хангахад барилгын талбайд болон талбайн гаднах бэлтгэлийг зохион байгуулах арга хэмжээг гүйцэтгэх шаардлагатай. Зохион байгуулалт бэлтгэлийн арга хэмжээнд дор дурьдсан зүйлсийг багтаана:

• Барих барилгын дэргэд буюу ойролцоо байгаа зам харилцаа, материал нийлүүлэх үйлдвэрүүд, цахилгаан дулааны байгууламж зэргийн бололцоог шийдвэрлэх
• Орон нутгийн барилгын материалыг дээд зэргээр ашиглахаар төлөвлөх
• Барилгыг барьж байгуулахад оролцох байгууллагуудыг тодорхойлох
• Барилга байгууламжийг барьж байгуулах захиалагч ба гүйцэтгэгч байгууллагууд гэрээ байгуулах зэрэг болно.

Талбайн гаднах бэлтгэлд зам харилцаа, холбоо болон цахилгаан шугам, цэвэр бохир усны шугам сүлжээгээр хангах ажлууд багтана.

Талбайн дотор талын ажилд

• Барилгын тэг тэнхлэг, шугам сүлжээг газар дээр нь татах геодезийн ажил: Барилгын талбайг тэгшлэн засах ба бороо үерийн усыг зайлуулах, зам засах, ус цахилгаан хангамж, радио телефон шугам сүлжээ тавих
• Талбайн зохион байгуулалтын зураглал гаргаж, кран явах зам, материалын агуулахууд, материал хийц эдлэл хураах талбай, түр барилга байршуулах газрыг урьдчилан тогтоох
• Барилгын талбайг галын аюулаас сэргийлэх хэрэгсэл, усан хангамж, холбоо дохиолол, талбайн гэрэлтүүлэгээр хангах зэрэг зүйлс багтана. Бэлтгэл ажлууд нь технологийн талаар барилга угсралтын үндсэн ажилтай уялдан зохицуулсан байх бөгөөд барилгын байгууллагуудыг ажлын фронтоор хангах бололцоо олгоно.