“Барилга Орон Сууц 2018” үзэсгэлэн яармагт барилга, үл хөдлөх хөрөнгө, орон сууц, барилгын материалын үйлдвэрлэл, импорт, дэвшилтэт технологийн худалдаа, интерьер болон экстерьер засал, амины орон сууц гээд барилгын салбарын бүтээн байгуулалтад хувь нэмэр оруулж буй 120 гаруй аж ахуйн нэгж, байгууллага оролцож, бүтээгдэхүүн үйлчилгээгээ олон нийтэд танилцуулсан.

   Барилгын салбарын худалдаа, зах зээлийг идэвхжүүлж,бизнес эрхлэгчдийг худалдан авагчидтай холбох гүүр болдог тус үзэсгэлэн яармагийн Шилдэг бүтээгдэхүүнээр эрчим хүч, дулааны зардлыг 70 хүртэл хувь хэмнэх, байгаль орчинд ээлтэй чанараараа VACUUM шинэ үеийн бойлер шалгарлаа. Энэхүү бойлер, халаалтын төхөөрөмжүүдийг Монголын хэрэглэгчдэд хүргэж буй “Ай Даблью” ХХК-ийн захирал В.Ариунтуяатай бүтээгдэхүүн, үйлчилгээнийх нь онцлогийн талаар ярилцлаа.

-“Барилга Орон Сууц 2018” үзэсгэлэн яармагийн шилдэг бүтээгдэхүүнээр VACUUM шинэ үеийн эко технологи бүхий бойлер, халаалтын систем шалгарсан. Бүтээгдэхүүний онцлогийн талаар яриагаа эхлүүлье. Эрчим хүчний дулааныг 70 хүртэлх хувиар хэмнэдэг гэж байна. Өөр ямар давуу талтай вэ?

-Манай компанийн Монголын зах зээлд нийлүүлж буй вакуум уурын бойлерийг БНСУ-ын 'WOOIN Co., Ltd'  компанид захиалгаар зохион бүтээлгэсэн. Энэ нь 100 хувь цахилгаанаар ажилладаг төдийгүй эрчим хүчийг 70 хүртэл хувиар хэмнэдэг бүтээгдэхүүн юм. Гэхдээ ус, шингэн эсвэл тосоол ашиглан халдаггүй. Зөвхөн уураар халаадагт гол зарчим нь оршиж байна. Тодруулбал, багахан хэмжээний усыг ашиглан 80 градусын уур гарган авдаг юм. Улмаар шугам хоолойд ус биш 80 хэмийн халуун уур эргэлддэг.  

Өөрөөр хэлбэл, усыг 100 градуст буцалгаж уур гаргадаг бол манай бойлер 80 градуст буцалган уур гаргадаг гэдгээрээ шинэлэг, онцлог бүтээгдэхүүн болж байна. Та бүхний мэдэж байгаачлан ус газрын түвшнээс хамаарч хэдэн хэмд буцалж, уур гарах нь өөр өөр байдаг шүү дээ. Жишээлбэл, Эверистийн оргилд ус 71 градуст буцалдаг. Тэгвэл усыг 100 болон 80 градуст халаахын хооронд эрчим хүчний болон усны ямар хэмнэлт гарах нь тодорхой асуудал. Тиймээс л манай бойлерийг ус, эрчим хүчний хэмнэлттэй, байгальд ээлтэй бүтээгдэхүүнээр онцолсон. Тэрчлэн БНСУ-ын Эрчим хүчний яамаас олон улсын ISO:9001,ISO:14001 гэрчилгээ болон мөн яамны лабораторын гэрчилгээг манай бүтээгдэхүүнд олгосныг дурдах нь зүйтэй болов уу.



-VACUUM уурын бойлерийн өртгийн талаар мэдээлэл өгөхгүй юу. Усан халаалтын системээс өртгийн хувьд хэд дахин хэмнэлттэй бүтээгдэхүүн бэ? Монголд хэдэн төгрөгөөр борлуулж байна?

-Сан халаалттай харьцуулахад эрчим хүчийг 30-70 хувь хүртэл хэмнэж байгааг нь бид бодитоор туршиж, хэрэглэгчид ч нотолсон. Энэ бол зүгээр нэг тоо биш гэдгийг манай хэрэглэгчид хэлэх байх. Тухайн орон сууц, байшин нь дулаан алдагдлаас маш чухал гэдгийг хэлэх ёстой. Нөгөөтэйгүүр, эрчим хүчний зардлаа яаж хэмнэх нь хэрэглэгчээс хамаарна. Учир нь манай бойлер нь удирдлага дээр тасалгааны темпратурыг тохируулах буюу цагийн өгөгдөлтэй байдаг. Энэ нь таны өрөөний градус 22 хэмд сануулсан бол тухайн градус хүрээд автоматаар бойлер амрах горимд шилжинэ. Мөн цагийн өгөгдөл нь 17.00-22.00 цагийн хооронд автоматаар амрах горимд шилжиж, улмаар 22.00-01.00 цагт автоматаар ажиллах горим руу шилждэг.

Аж ахуйн нэгжүүдийн цахилгааны төлбөрийг өндөр үнээр боддогдог учраас тухайн цагт амраах горимд шилжүүлж болдог гэдгээрээ давуу талтай. Тиймээс хүн байхгүй цаг үед амрааж, гэртээ ирэх эсвэл ажил эхлэхээс нэгээс хоёр цагийн өмнө автоматаар асаах горимд сануулж болно. Борлуулалтын хувьд, банкны лизингийн үйлчилгээ бий. Мөн байгуулага дээрээ 1-3 сарын хугацаатай, хүүгүй хувь лизингийн үйлчилгээг үзүүлж байна.

-Танайх бүтээгдэхүүнээ эх орондоо үйлдвэрлэхээр зорин ажиллаж байгааг дууллаа. Ингэснээр борлуулалтын өртөг хэдэн хувиар буурах боломжтой вэ?

-2016 оноос манайх бүтээгдэхүүнээ задаргаа буюу сэлбэг хэлбэрээр оруулж эхэлсэн. Ингээд эцсийн бүтээгдэхүүнээ Монголдоо угсарч байна. Бид үйлдвэрлэх, угсрах, засварлах эрхтэй гэрээтэй бүтээгдэхүүн оруулдаг юм. Одоогийн байдлаар үйлдвэрийн барилгаа барьсан ч тоног төхөөрөмжөө оруулж ирж хараахан амжаагүй л байна. Мэдээж энэ бүхэн шууд хөрөнгө, санхүүтэй холбоотой. Хэрэв бойлер тогоо, хайрцаг, хянах самбар, удирдлага гэх мэт эд ангиа өөрсдөө үйлдвэрлээд эхэлчихвэл одоогийн борлуулалтын үнэ 20-30 хувиар буурах боломжтой гэж харж байна. Үүгээр зогсохгүй ажлын байр, залуу монгол инженерүүдийн тоо нэмэгдэх гээд олон эерэг өөрчлөлт гарна гэж хүлээж байгаа.

-Вакуум уурын бойлер бүхий халаалтын системд бүх төрлийн сангийн радиотор, сэнст үлээгч, шалны халаалтын спираль зэргийг ашиглах боломжтой гэж байна. Эдгээр шийдлүүдийн талаар тодорхой мэдээлэл байна уу?

-Вакуум уурын бойлерийг сангийн бүхий л шийдэл дээр холбож болно. Үүнээс хамгийн зөв зохицол нь радиотор шугам систем юм. Жишээлбэл, үйлдвэрлэл, үйлчилгээний газар үлээгч сэнсэн дээр зохицох, шалнаас болон дулаалга маш сайн хийсэн амины сууцанд шалаар халаах, томоохон албан байгуулага дээр радиотор шугам хоолойн дээр илүү сайн зохицож ажилладаг. Тухай объектийн зориулалт болон шийдлээс хамаараад бүх төрөл дээр холбож ажиллах боломжтой .


-Ярилцсанд баярлалаа.  
Б.Бямбасүрэн