Орхон аймагт 210 хүнийг ажлын байраар хангах “Хөх ган” хэмээх үндэсний шинэ үйлдвэр ашиглалтанд орж нээлтээ хийлээ. Тус үйлдвэр эх орныхоо аж ахуйн нэгж, байгууллагыг олон улсын стандартад нийцэхүйц төмрөөр хангах зорилготой аж. “Хөх ган” ХХК нь Архангай аймгийн Төвшрүүлэх сумын Тамирын ордын төмрийн хүдрийг ангижруулан, үйлдвэрийнхээ анхны дээжийг хэдхэн хоногийн өмнө гарган авчээ.

 

Ийнхүү гарган авсан дээжээ лабораторид шинжлүүлэхэд чанарын үзүүлэлт нь маш өндөр байсан байна. Тус үйлдвэр жилд гурван мянган тонн бүтээгдэхүүн үйлдвэрлэх хүчин чадалтай бөгөөд үйлдвэрийн эхний ээлжийн нэг зуух ажиллаж эхлээд байна.