Сангийн сайд С.Баярцогт “Зээлийн хэлэлцээр соёрхон батлах тухай” хуулийн төсөл, Өөрийн хөрөнгөөр гүйцэтгэн дараа төлөгдөх нөхцөлтэйгээр хэрэгжүүлэх “Улаанбаатар хотын Нарантуул олон улсын худалдааны төвийн баруун уулзвар болон төмөр зам дээгүүрх гүүрэн гарц барих” төслийн тухай тогтоолын төслийг УИХ-ын дарга Д.Дэмбэрэлд өчигдөр өргөн барилаа.

 

Хэлэлцээрийн дагуу Энэтхэг улсын Засгийн газраас Монгол Улсын Засгийн газарт 25 сая долларын зээлийг жилийн нэг хувийн хүүтэйгээр олгож байгаа нь мэдээллийн технологийн салбарт, ялангуяа аутсорсингийн үйлчилгээнд зориулагдах юм гэж Сангийн сайд танилцууллаа.

 

 “Улаанбаатар хотын Нарантуул олон улсын худалдааны төвийн баруун уулзвар болон төмөр зам дээгүүрх гүүрэн гарц барих” төслийг холбогдох тогтоолын төслийн хамт танилцуулаад, уг ажлыг 2009-2011 оны хугацаанд нийт 20 тэрбум төгрөгөөр гүйцэтгэхээр төлөвлөсөн, энэ болон бусад дагалдах төсөл хэрэгжсэнээр нийслэлийн их тойруугийн авто зам бүрэн хэмжээнд ашиглалтад орох юм гэв.

 

Өнөөдөр