Орчин үеийн модерн максимализм загвар энэ жил зонхилж байна. Энэ нь олон өнгө холилдсон 80-аад оны загвартай төстэй. Гэрийн жижиг тавилгуудыг өөр, өөр өнгөөр хослуулсан байдлаар тохижуулна. Мөн дэрс, цэцэг, мод зэргийг өрөөнийхөө нэг буланд байрлуулж, буйдангаа тод өнгөөр бүрж, өөр өөр өнгийн дэр тавьж, тод өнгийн хивсэнцэр дэвсэж болно. Ханын цаас, шалаа ч тод олон өнгөөр чимэглэдэг. Гоёмсог гялалзаж гялтганасан гэрлийн бүрхүүл, ган сандал, гялтгар ширээний хөл, сандалтай байна. Мөн хөшгийг гуулин цагирага, өнгөлөг никел тогтоогчоор гоёно. Гал тогооны хэрэгсэл, цэвэр бохир усны шугам хоолой, паар зэрэг нь хүрэл өнгөтэй никел байвал сайн. Бага зэргийн зоригтой, олон янзын тод шийдэмгий өнгө зонхилж байвал энэ онд трэнд болж буй модерн махимализм юм.

Клосетийн цэгцтэй хувцасны шүүгээ

   Лос-Анжелесийн дизайнер Лис Адамс 2018 оны завгүй эмэгтэйчүүдэд зориулан задгай хувцасны өрөө бүтээжээ. Хувцас цүнх, гутал үзэг цаасаа авахад амархан, нүдэнд ил харагдах байдлаар тавцан дээр өрчихнө. Хувцасны өрөөгөө гоёмсог харагдуулахын тулд хөвсгөр үслэг хивс дэвсэж, дугуй хэлбэртэй том цагаан сандал байрлуулсан байна. Үргэлж цэгцтэй, загварлаг байх боломжтой, орчин цагийн хувцасны шүүгээний шилдэг шийдэл энэ гэнэ.
 

 

    Олон өнгө холилдсон, нарийн төвөгтэй мэт загвартай унтлагын өрөө энэ жилийн трэнд болж байгаа аж. Донна Медигийн зохион бүтээсэн унтлагын өрөөнд даавуун хивс, тод өнгийн хана гүн өнгийн дагалдах хэрэгслүүд зонхилж байна. Ингэхдээ хослуулж боломгүй мэт өөр, өөр төрлийн материалыг нэг өрөөний интерьерийн шийдэлд ашиглажээ. Жишээлбэл, шалны хүрээг гангаар хийсэн. Унтлагын өрөө гуулин төмөр оруулгатай, савхин бүрээстэй хэрнээ гангаар хүрээлэгдсэн аж. Хуучны сандал нь модон хөлтэй, үслэг эдлэлийн бүрээстэй гэх мэт сонирхолтой зүйлсийг загварын шийдэлд оруулж өгсөн нь энэ онд унтлагын өрөөний трэнд болж байгаа гэнэ.
 

   Геометрийн дүрсийг илэрхийлэх шийдэл бүхий зөөлөн ортой гэгээлэг өнгийн унтлагын өрөө нь залуу бүсгүйчүүдэд илүү тохиромжтой. Жижиг зайг ашигласан янз бүрийн дүрс бүхий тавилгатай. Хүний сэтгэл хөдлөлийг илтгэсэн загвар гэнэ. Стресс ихтэй орчин цагийн нийгэмд ийм гэгээлэг өнгө, геометрийн олон дүрсийг илэрхийлж өгсөн нь таатай сэтгэгдэл төрүүлж байгаа гэжээ.


 

    Модон тавилгыг цагаан өнгийн ханатай хослуулан бүрзгэр байдлыг илтгэж, олон зуун жилийн өмнөх мэт загварыг бүтээхийг зорьсон гэнэ. Царс модыг ашиглан, сарнилттай будалт, өнгөлгөө хийж, байгалийн мэт загварыг гаргахыг хичээсэн аж. Ийм өрөөнд эртний хийцтэй түшлэгтэй сандал байрлуулж, үслэг эдлэл тавьснаар, энэ загвар илүү трэнд болж байгаа гэж дизайнер Клейн хэлжээ. Тэрбээр ийм загваруудыг бүтээж байгаад, сүүлдээ гоёмсог, чамин загварууд гаргах болсон ч хүмүүс байгалийн, элдэв чимэглэлгүй иймрэхүү загварыг илүүтэй сонирхож байгаа гэжээ.

Сарны өнгө

    2018 оны хамгийн халуухан өнгө бол тод улаан. Улаан өнгийг янз бүрийн эрдэнийн чулуу, маргад ногоон, баялаг ягаан, хөх, гич шар өнгөтэй хослуулахаар илүү сонгодог болж байгаа гэнэ. Ийм өнгө ихэвчлэн жижиг өрөөнүүд болон олон өрөө байрны гол хэсгийн том өрөөнд тохиромжтой. Тод өнгөн дээр үнэт чулуу шигтгэж өгвөл илүү тансаг болно. Төвийг сахисан төлөв өнгөн дээр ягаан, маргад ногооныг шигтгэвэл бас зохицдог. Дотоод заслын загварт энэ онд янз бүрийн тод, бүдэг улаан өнгүүд болон газрын хүрэн, шаргал өнгүүд зонхилж байгаа ажээ.

Өнгөлөг цэцэг

   Дизайнер Пакер ярихдаа том цэцгүүд ханын зураг, тавилга дээр илүү зохимжтой харагддаг. Хийсвэр зохиомол том цэцгүүдийг тавилгууд дээр урлаж өгөх нь шинэлэг, орчин үеийн харагдуулдаг. Гэхдээ том цэцэгтэй тавилгыг цулгуй хана, гялгар ширээ алтлаг шалтай хослуулбал төгс зохицно. Том цэцэгний зураас заавал жигд байх албагүй, цэцгийг хэвэнд оруулах шаардлагагүй, замбараагүй мэт том цэцэг хоолны өрөөний сандлыг илүү гоёмсог харагдуулж байна гэж дизайнер Кортни Новогратз ярьжээ.

    Хамгийн хуучин зүйл бол шинэ зүйл юм. “Арт деко инспайрд” урлагийн дизайныг орон сууцны болон бизнесийн төслүүдэд илүү хэрэглэгдэж байна гэж Патерсоны архитектур хэлжээ. Тавилгуудад тусгаж өгсөн нарийвчилсан дүрслэл, төмөр эдлэл, хүрэл рам, гоёмсог эмжээр, металл эдлэлээр бүрсэн өнгөлгөө нь тавилгыг тансаг харагдуулна. Мөн геометрийн Анхны Art Deco фасадыг хадгалж үлдсэн энэхүү загвар нь Лондонгийн худалдан авагчдад илүү таалагдсан гэнэ. Энэ сонгодог хуучин загварын өрөөнд гоёмсог гэрлийн бүрхүүл, хөшиг тогтоогч зэргийг ашиглаж, загварын тоглолт хийж болдог ажээ.

Н.Ганчимэг