Эх дэлхийд түүхээрээ гайхуулсан Монгол эх орныхоо нийт ард түмэн, наадамчин олондоо Тулгар төрийн 2227 жил, Их Монгол Улс байгуулагдсаны 812 жил, Тусгаар тогтнолын 107, Ардын хувьсгалын 97 жилийн ой, Үндэсний их баяр наадмын халуун мэндийг Монголын барилгын үндэсний ассоциацийн нийт гишүүн байгууллагууд, тэдгээрийн хамт олны зүгээс болон хувиасаа хүргэж байна.

   Манай байгууллага улс орны нийгэм эдийн засгийн гол тулгуур болсон барилгын салбарын 150 гаруй компаниудыг эгнээндээ нэгтгэн барилгын салбарт сайн засаглалыг бий болгоход төр-хувийн хэвшлийн хамтын ажиллагаа, уялдааг сайжруулж, барилгын зах зээлийн тогтвортой өсөлтийг  хангахын төлөө чармайн ажилладаг бөгөөд өнөөдөр ч манай гишүүн байгууллагууд Монгол эх орныхоо өнцөг булан бүрт барилга, бүтээн байгуулалтыг өрнүүлэн улс орныхоо хөгжил дэвшилд үнэтэй хувь нэмрийг оруулсаар байна.

   Дэлхийн өнцөг булан бүрт тархан амьдарч буй монголчууд та бүхэн маань нар ээж, хур тэгширсэн, найр хөгжөөж, хуур уянгалсан Монгол наадмаараа Бөх нь хүчтэй, морьд нь хурдтай, эрхий мэргэн харваачид нь цэцтэй байж, дэнж хотойтол сайхан наадаарай.