АНУ-ын Мянганы сорилтын сангаас Монголд төсөл хэрэгжvvлэхээр сонгосон нэг салбар бол боловсрол. Гэхдээ боловсрол дундаа Мэргэжлийн сургалт vйлдвэрлэлийн төвvvдийн бааз суурийг бэхжvvлэх, чанартай мэргэжилтэн бэлтгэх төслийг тус сангаас 25 сая ам.доллараар санхvvжvvлэхээр болсон.

Монголд дээд мэргэжил эзэмшсэн дипломтнууд сvvлийн жилvvдэд эрс нэмэгдсэн гэдгийг хvн бvр хvлээн зөвшөөрдөг. Гэвч тэд ажил олдохгvйн зовлонд унаж, мэргэжлээрээ ажиллахаас илvvтэйгээр худалдагч, зөөгч гээд олдсон ажлаа л хийж байна. Гэтэл жинхэнэ хөдөлмөрийн талбай дээр ажиллах хvч байнга дутагдаж буйг компаниуд онцолсоор байгаа юм. Ялангуяа, барилгын салбарт өрлөгчин, засал чимэглэлч, сантехникч гэх зэрэг мэргэжлийн ажилчин дутмаг байна. Тиймээс сvvлийн хоёр жил мэргэжлийн боловсон хvчин бэлтгэх, хvvхдvvдийг МСVТ-д сурах идэвхийг нэмэгдvvлэхийн тулд сар бvр сургалтын тэтгэлэг олгодог болсон. Тодорхой vр дvнгээ өгч байгаа гэдгийг ч албаныхан мэдээлж байна. Тиймээс олон хvнийг ажлын байраар хангадаг барилгын салбарт мэргэжилтэй vндэсний ажилчдыг бэлтгэхэд төр, хувийн хувшлийнхэн хэрхэн хамтран ажиллаж болох талаар энэ сарын 4-нд тус салбарынхан зөвлөлдлөө.

Монголын Мянганы сорилтын сангийн Техник, мэргэжлийн боловсрол, сургалтын төслөөс зохион байгуулсан “Мэргэжлийн боловсрол сургалтын салбарт төр хувийн хэвшлийн тvншлэлийг хөгжvvлэх нь” семинарт ЗТБХБ-ын сайд Х.Баттулга, БСШУЯ-ын төрийн нарийн бичгийн дарга Б. Мишигжав, МАОЭНХ-ны гvйцэтгэх захирал Х.Ган-баатар, Монголын барилгачдын холбооны ерөнхийлөгч М.Батбаатар болон хувийн хэвшлийн томоохон компанийн удирдлагууд оролцсон юм.

Статистик мэдээнээс vзвэл, Монголын нийт хөдөлмөр эрхэлж байгаа хvмvvсийн 5.6 хувь нь буюу 56.3 мянган хvн барилгын салбарт ажилладаг аж.

Өнгөрсөн сарын 15-ны байдлаар 1390 аж ахуйн нэгж барилгын салбарт vйл ажиллагаа явуулж байгаагийн 1168 нь барилга угсралт, 222 нь зураг төслийн чиглэлээр тусгай зөвшөөрөл авсан байна. Эднээс 20 гаруй ком-пани нь 150-аас дээш ажилтантай гэж бvртгvvлжээ. Хэдийгээр 2009 онд энэ салбарт хөдөлмөр эрхэлж байгаа гадаадын иргэд багассан гэдэг ч албан бусаар 20-оод мянган хvн бий гэсэн тоо ч бас байна. Цаашид ч энэ салбарт ажиллагсдын тоо буурах төлөвгvй гэж vзэж байгаа учраас vндэсний хэмжээний мэргэжилтэн бэлтгэх нь нэн чухал гэдгийг мэргэжлийнхэн сануулсаар. Одоогийн байдлаар барилгын мэргэжлээр ажилтан бэлтгэдэг 45 МСVТ, 45 хоногийн курс хэлбэрээр сургалт явуулдаг 22 төв байдаг гэнэ.

Барилгын салбарын ажил олгогчдоос сvvлийн хоёр жилд 33 мэргэжлээр ажлын байрны захиалга ирvvлэх болжээ. Хамгийн их эрэлттэй нь бетон арматурчин, засал чимэглэлчин, өрлөгчин, мужаан, сантехникч, гагнуурчин цахилгаанчин, нимгэн төмөрчин. Харин барилгын архитектур, интерьер, дизайн, барилгын инженер, технологич зэрэг дээд мэргэжлийн захиалга их байдаг аж. Мөн барилгын материалын vйлдвэрлэлийн салбар эрчимтэй хөгжиж эхэлж байгаа нь vйлдвэрлэлийн технологич, тоног төхөөрөмжийн засварчин, операторчин, лаборант зэрэг мэргэжлийн эрэлтийг шинээр vvсгэж байгаа юм.

Ардчилал