Ховд аймгийн төвд Усан спортын төв үүдээ нээлээ. 750 сая төгрөгийн өртөгтэй, орчин үеийн хийц загвартай энэхүү байгууламжийг орон нутгийн барилгын компани барьж байгуулсан байна. Улсдаа дөрөв дэх, баруун бүсдээ анхдагч нь болсон уг цогцолборыг зургаан сарын дотор босгожээ.

 

Нэг дор 50 хүртэлх хүнд үйлчлэх хүчин чадалтай усан сан нь хүүхэд, насанд хүрэгчдид гэсэн ангилалтайгаар үйлчилгээ үзүүлэх юм. “Оюунлиг Ховд” хөтөлбөрийн хүрээнд барьж байгуулсан энэхүү цогцолбор нь хүүхэд багачууд, иргэдийн эрүүл саруул аж төрөхөд чухал нөлөө үзүүлнэ гэж ховдчууд баяртай байна.