Ах намынхан шатсан байрныхаа суурь дээр 14.6 тэрбум төгрөгийн өртөгтэй, 20 мянган ам метр талбайтай шинэ барилга барьж байна. МАХН-ын ерөнхий нарийн бичгийн дарга У.Хүрэлсүх барилгын ажилтай өчигдөр танилцлаа. Нийт 12 давхар барила барихаар зураг төсөл хийсэн. Газраас доош 2 давхар, тэнд нь авто зогсоолтой аж. Дээд тал нь 10 давхар байх бөгөөд тэнд спорт, урлагийн үйл ажиллагаа явуулж болох том танхим, үйлчилгээний газар, номын сан зэргийг байгуулахаар төлөвлөжээ. Барилгын ажлыг “Өндөр буянт” холдинг компани гүйцэтгэж байгаа. Барилгын угсралтын ажил өнгөрсөн 8 сарын 23-нд эхэлсэн. Одоо угсралтын ажил 60 хувьтай байгааг “Өндө буянт” ходингийн захирал Н.Төмөрхүү хэллээ. Одоогоор бүтээн байгуулалтын ажилд 4-5 тэрбум төгрөг зарцуулаад байгаа юм.

 

МАХН-ын шинэ байрыг ирэх оны 12 сарын 31-нд гүйцэтгэгч тал захиалагчид хүлээлгэж өгөхөөр төлөвлөсөн. Харин шинэ байр 2011 оны 3 сард буюу МАХН-ын 90 жилийн ойгоор ашиглалтанд орох гэнэ.

Энэ жилдээ угсралтын ажлаа дуусгах бөгөөд нэмэлт зардал гаргаж өвөл ч барилгын ажлыг хийхээр болжээ.

 

Зууны мэдээ