Улаанбаатар хотын 370 жилийн ойг угтаж нийслэлийн иргэд, аж ахуйн нэгж байгууллагуудын дунд “370 бүтээлч ажил” уралдааныг өнгөрсөн оны сүүлээр зарласан. Их ойн өмнөхөн бүтээлч ажлын уралдааны дүн гарч, шилдгүүд шагналаа гардан авч байна. Нийслэлийн Засаг даргын Тамгын газарт шагналын хур бууж, шилдэг аж ахуйн нэгж, иргэд бүтээлч ажлынхаа батламжийг гардлаа. Шагналыг НИТХ-ын дарга Т.Билэгт, Засаг даргын нэгдүгээр орлогч Б.Баатарзориг, Нийгмийн асуудал хариуцсан орлогч Ц.Цогзолмаа, үйлдвэрлэл экологи хариуцсан орлогч Д.Ганболд, хотын ерөнхий менежер Ч.Бат нар оролцлоо.

 

Нийслэлийнхэн ойдоо зориулан 370 бүтээлч ажил хийхээр төлөвлөсөн ч сайхан хотын иргэн байх гэсэн хүсэл тэднийг 370 биш 420 бүтээл ажил хийлгэжээ. Бүтээлч ажил хийсэн нийслэлийн төр захиргааны байгууллагуудын батламжийг гардуулсан бол өнөөдөр шилдэг аж ахуйн нэгж, иргэдийн бүтээлч ажлын батламжийг гардууллаа.

 

Үүнд:

1.Сонгинохайрхан дүүргийн “Кремль” СӨХ-ны ногоон байгууламж

2.Сонгинохайрхан дүүргийн 25-р хорооны “Үлгэр жишээ гудамж” нэрэмжит ажил

3.Сонгинохайрхан дүүргийн “Соёмбо” продакшны усан оргилуур

4.Хан-Уул дүүргийн “Хулхан” ХХК-ийн “Дэлгэрхангай” худалдаа үйлчилгээний төв

5.Хан-Уул дүүргийн “Гоёо” ХХК-ийн иж бүрэн   тохижилт

6.Сүхбаатар дүүргийн 16-р хорооны иргэн Ч.Эрдэнэчулууны ахуйн хог хаягдлаа боловсруулан дахин ашигладаг арга туршлага

7.Сүхбаатар дүүргийн “Мироку Айко Кай нийгэмлэг” ТББ-ын тохижилт

8.Баянгол дүүргийн “Сод Топаз” ХХК-ийн тохижилт

9.Баянгол дүүргийн 14-р хорооны “Зүлгэн бүс” төсөл

10.Баянзүрх дүүргийн 9-р хорооны иргэн А.Ганболдын хөдөлмөр эрхлэлт

11.Чингэлтэй дүүргийн 72-р сургуулийн тохижилт

12. Нью север ХХК-ийн Цул керамзито-бетонон гулдмайн үйлдвэрлэл

13.Пэйпэрбэг ХХК-ийн Цаасан уутны үйлдвэрлэл        

14.”Инселцум” ХХК-ийн сүү боловсруулах үйлдвэр

15. “Голден Саякэл Эшиэ Пэсифик” ХХК-ийн ундаа, жүүсний үйлдвэр

16. “Стандарт мах” ХХК-ийн мах боловсруулах үйлдвэр

17.”Дөрвөн өлзий” ХХК-ийн Дарш боловсруулах үйлдвэр

18.”Ивээл” ХХК-ийн ногоо хадгалах зоорь

19. “Монхимо” ХХК-ийн ариутгал халдваргүйтгэлийн бодис

20.”Скай резорт” ХХК-ийн Аялал, жуулчлалын иж бүрэн цогцолбор” төсөл

21.”Их үйлсийн эрэлд” ХХК-ийн орчин үеийн иж бүрэн тохижилт бүхий “Баян Монгол” орон сууцны хороолол

22.”Наран эло” ХХК-ийн “Sony style” дэлгүүрийн засвар, тохижилт

23.Сонгинохайрхан дүүргийн “Сүү” ХХК-ийн шинэ үйлдвэр

24.”Тэсо” ХХК-ийн Сүүний үйлдвэр

25.”Бөртэ” ТӨҮГ-ын орчны тохижилт

26.“Баянгол эмнэлэг” ХХК-ийн эмчилгээний орчин үеийн дэвшилтэт үйл ажиллагаа

27.”Монтулга” ХХК-ийн бэлэг дурсгалын үйлдвэрлэл, мод үржүүлгийн ажил

28.”Мөнх-Ундармал” ХХК-ийн талх нарийн боовны үйлдвэр батламжаа гардлаа.

 

Мөн энэ үеэр хот тохижилтын ажлыг сайжруулах “Миний Улаанбаатар” уралдаанд шалгарч шагналт байр эзэлсэн болон хоёр, гуравдугаар байрт шалгарсан 20 байгууллагыг өргөмжлөл, 300-500 мянган төгрөгөөр шагналаа. Тэргүүн байрын шагналыг энэ сарын 27-нд гардуулах юм.