Барилга МН

Санал асуулгад нийт 1947 санал ирсэн байна. Үүний 47.92% нь буюу 933 саналыг 1-рх хариулт “төр” гэдэгт өгсөн байна. Төр бол зохицуулах, хяналт тавьж байх үүрэгтэй газар. Тиймдээ ч оролцоо, зохицуулалт муугаас орон сууцны үнэ хий хөөрөгдөн өссөн гэж санал асуулгад оролцогчдын олонхи нь үзэж байгааг үүнээс харж болох юм.

 

35.49% нь буюу 691 саналыг 2-рх хариулт буюу “барилгын компаниуд” гэсэн хариултанд өгчээ. Энд нэг чухал зүйл болох барилгын компаниуд өөрсдөө үнээ тогтоодог гэдгийг санах хэрэгтэй. Үнэ тогтоолтонд төр оролцож байгаа юу гэвэл үгүй, банкууд оролцож байгаа юу гэвэл бас үгүй юм.

 

 

2.98% буюу 58 саналыг “Монголын төмөр зам” гэдэгт өгсөн байна. Төмөр замын ачаалал ихтэй, вагоны хүрэлцээ муугаас ихээхэн хэмжээний материал хил дээр гацаж байсан. Үүнээс үүдэн барилгын материал хомсдон үнэд орж, улмаар орон сууцны үнэ өсөхөд нөлөөлсөн гэж зарим мэргэжилтнүүд дүгнэдэг. Энэ хариултанд цөөн хариулт өгсөн байгаа нь байрны үнэ өсгөх гэсэн нэг шалтаг хэмээн иргэд үзэж байгааг ч үгүйсгэх аргагүй юм.

 

8.78% нь буюу 171 санал “Банкууд” гэсэн хариултанд иржээ. Банкуудын зээлийн бодлогоос шалтгаалаад орон сууцны үнэ өссөн хэмээн оролцсон 11 хүн тутмын 1 нь үзсэн байна

 

Хамгийн сүүлийн хариулт болох “Хэн ч буруугүй” гэсэн хариултанд нийт саналын 4.83% буюу 94 санал өгөгджээ. Дээр дурьдсан Монголын төр, барилгын компани, банк болоод төмөр замынхнаас хамааралгүй өөр шалтгааны улмаас орон сууцны үнэ өссөн гэж үзсэн байна. Өөр шалтгаан гэдэгт дэлхийн эдийн засгийг хамраад байгаа хямрал, зах зээл дээрхи эрэлт нийлүүлэлтийн байдал, хууль эрх зүйн орчин, хөрөнгө оруулалт зэргийг хамруулж болох юм.

 

Юутай ч ийнхүү санал асуулгын дүнг та бүхэндээ хүргэлээ. Мөн манай дараа дараагийн санал асуулгад оролцохыг эрхэм танаас хүсч байна. Монгол айл бүхэн орон сууцтай болох болтугай.

 

Таны санал бодол юу вэ? Сэтгэгдэлээр үлдээгээрэй.

 

Барилга.мн

Э.Алтангэрэл