Өрөө төлөхгvй бол дулаан өгөхгvй шvv хэмээн “чангалж” байсан “Улаанбаатар дулааны сvлжээ” компанийн удирдлагууд энэ жил сэтгэл ханамжтай байна. Учир нь, амны уншлага болсон vгээ бага хэлнэ, бас дулаан өгөхгvй гээд гvрийх зовлонгоос бага ч атугай ангирч байгаа аж. Жилийн жилд л хэдэн СӨХ, конторуудад “их өрөө” тэглэх талаар сануулга өгдөг ч vр дvнд хvрдэггvй байсан тэдний хувьд хаширсан хvн гэж хаширсан хvнийг хэлдэг юм гэдэгчлэн “жижигхэн” семинар зохион байгуулсны ч vр дvн гарсан гэнэ. Энэ нь ОСНААУГ, Монголын сууц өмчлөгчдийн холбоодын дээд зөвлөлтэй хамтран хэрэглэгчдээ өнтэй өвөлжvvлье. Тэгэхдээ боломжтой бол өвөл сандаргадаг шугам хоолойгоо засъя хэмээх тохиролцоо хийв. Энэ дагуу ч СӨХ, конторууд боломжийнхоо хэрээр засвараа хийж, чадлынхаа хэрээр өрнөөсөө ч салж байгаа аж. ОСНААУГ-аас ч 100 хувьд хvрэхгvй ч гэсэн өрийг нь багасгах талын менежмент, зөвлөгөө ч өгч ажиллаж.

 

Хаана, хаанаа л эрвийж дэрвийхээр ажилласан болохоор өрөө төлөхгvй бол дулаан өгөхгvй шvv хэмээх хатуу vг энэ жил бага сонсогдох болов уу гэсэн найдлага ОСНААУГ, конторууд ч төрөөд байгаа аж. Гэхдээ зуны гурван сард хийсэн засварын чанар өвөл л харагдах учраас харж л байхаас.

 

Ямар ч гэсэн ”Улаанбаатар дулааны сvлжээ” компаниас энэ сарын 15-наас дулаан өгөхөд бэлэн эсэхийг тодруулахад “Манайх улсын төсөв болон Монгол Улсыг хөгжvvлэх сангийн хөрөнгө оруулалтаар хуучин шугам хоолойнуудыг шинэчлэн засварласан. Өнөөдрийн байдлаар өвлийн бэлтгэл ажил vндсэндээ дуусч байна. Энэ сарын 15-наас эхлэн орон сууцны хороолол, аравдугаар сарын 1-нээс аж ахуй нэгж, албан байгууллагуудыг дулаанаар хангана. Албан байгууллагууд, СӨХ, конторууд эхнээсээ гэрээгээ хийгээд эхэлчихсэн” гэв.

 

Гэхдээ яагаад ч их савны ёроол нь хоосноос өртэй хэмээн хараар тэмдэглэгдсэн СӨХ, конторууд ч байгаа гэнэ. СӨХ-ны өөрийнх нь биш, оршин суугчдаасаа авч чадаагvй хураамж нь болохоор яалтай ч билээ. Тиймээс өртэй ч гэсэн дулааныг нь өгсөөр ирсэн ч “эвийлэх” тусам өрийн гинжин урвал vvсээд, нийслэлийнхнийг дулаанаар хангана гэдэг хvнд болж эхэлсэн аж. Тиймээс vр дvнгээ өгөөд байгаа өрөө төлөхгvй бол дулаанаар хангахгvй гэсэн сануулга ч энэ жил хэрэглэх гэнэ. Бvр хатуу байр суурьтай, гэдийнэ гэдгээ ч сануулав. Харин нийслэлийн бvх СӨХ, конторын vйл ажиллагааг хянаж, удирдаж буй Монголын Сууц өмчлөгчдийн холбоодын дээд зөвлөлийнхөн өвлийг гайгvй давна гэсэн найдвар төрvvлэв. Өвөлжилтийнх нь бэлтгэл 85 хувьд хvрч, дулаанаа алдагдуулахгvйн тулд хаалга, цонхоо дулаалах гэх мэт жижиг ажлууд vлдсэн гэнэ. СӨХ-д боломжоороо засвараа хийсэн болохоор энэ жил нийслэлийн оршин суугчдыг зутраахгvй байх хэмээв.