Нийслэлийн хэмжээнд одоогоор хэд хэдэн замд засвар хийж байгаа. Заримд нь шинээр хучилт хийж байгаа бол, бусдыг нь өргөтгөж, асфальтыг нь хуулж байна. Ингэж замаа засварлаж байгаа нь олон сайн талтай. Гэтэл зам засварын ажлыг хөдөлгөөн эхэлсэн vеэр хийлээ, хугацаа алдаж байна гэх зэргээр иргэд бухимдаж байгаа. Vvнтэй зэрэгцээд зам засварын компаниуд хуучин замын хатуу хучилт, хог хаягдлыг гэр хорооллын гудамж талбайд шөнийн цагаар хаяж байгаа нь мөн л иргэдийг бухимдуулж байна. Тухайлбал, Чингэлтэй дvvргийн 12 дугаар хорооны нутаг Зам гvvрийн авто баазаас Гахайн байр руу өгсөх замын хоёр талаар хуучин асфальт, хаягдал шороо зэргийг шөнийн цагаар их хэмжээгээр хаяжээ. Энэ нь тус замыг нарийсгаж, зарим хэсэгтээ хоёр машин зөрөх боломжгvй болгосон байгаа гэнэ. Нийслэлийн Авто замын газрын инженер Т.Оюунбилэгээс засварлаж буй замаас гарсан хог хаягдлыг хаана асгах ёстой, дахин ашиглаж болох эсэхийг тодруулсан юм.

 

-Ямар компани асгаад байгааг нь би сайн мэдэхгvй юм. Уг нь, замын хог хаягдлыг Улаанчулуутын хогийн цэгт хаях vvргийг хотын орлогч дарга Б.Мөнхбаатар өгсөн. Миний хувьд 32-ын тойргоос Долоон буудал хvртлэх замыг хариуцаж байгаа. Тэр замаас гарсан хог хаягдлыг хаях ёстой газар нь хаяж байгаа. Хаягдал болсон том том ас-фальтан хавтангаас иргэд ч авдаг л юм. Зарим нь бvр намагтай газар байдаг болохоор хэрэглэх гэсэн юм гээд гуйдаг.

 

-Vгvй байх аа. Хогийн асуудлыг Мөнхбаатар дарга шийдэж өгсөн. Өөрөөр хэлбэл, төлбөргvй хог хаягдлаа асгах боломжтой.

 

-Гадаадын техник технологи хөгжсөн орнуудад бол дахин ашигладаг л юм билээ. Манайд дахин ашиглах боломж бололцоо муу гэв.

 

Зам засварын компаниуд дvvргvvдийн ТVК-тай хог хаягдал асгуулах талаар гэрээ хийдэг эсэхийг Сvхбаатар дvvргийн ТVК-иас тодруулахад, “Зам засварын компаниуд ТVК-ийнхантай ямар ч гэрээ хийдэггvй. Гарсан хогоо өөрсдөө төвлөрсөн хогийн цэгт хаях ёстой. Гэр хорооллын гудамж, талбайд асгаж байна гэдэг бол тус компани тvлш шатахуундаа нарийлж байгаа хэрэг байх” гэлээ.

Чингэлтэй дvvргийн 12 дугаар хорооны 10 дугаар хэсгийн ахлагч н.Чимэд, “Би энэ хогийг хэзээ, ямар компани нь асгаад байгаа ч мэдэхгvй байна. Өглөө болоход л замын хажуугаар хэд хэдэн тэвшээр нь буулгаад хаячихсан байх юм. Vvнээс зарим айл нь аваад хэрэглэж л байдаг. Гэхдээ энд асгах нь буруу.

Одоо автобусны буудлын эцсийг дээш нь нvvлгэх юм. Тэгэхээр яваандаа зам тавих байлгvй. Гэтэл зам тавих талбайг нь улам л нарийсгаад байна. Өмнө нь бас л замын хажуугаар бөөн шороо асгасан. Vvнийг дарга нар анхаармаар юм” гэлээ.

Ямартай ч, замын компаниуд хог хаядлаа “Улаанчулуут руу хая” гэсэн хотын орлогч дарга Б.Мөнхбаатарын vvргийг vл тоомсорлож, иргэдийн бухимдлыг төрvvлж, хэнд ч мэдэгдэлгvйгээр шөнийн цагаар хогоо гэр хороолол руу асгаж байгаа бодит төрх энэ.

 

Ардчилал